Onlarla yük maşını Samur buraxılış məntəqəsində qalıb - VİDEO

Tarix: 11 Noyabr 2022 19:16

Bir aya yaxındır ki, Azərbaycanın şimal sərhədində yük maşınlarının sıxlığı müşahidə olunur.

Sonxeber.net Xəzər Xəbər-ə istinadən xəbər verir ki, maşınlar kilometrlərlə düzülüb növbə gözləyir.

Yük maşınlarının əksəriyyəti başqa ölkələrdən gəlib Azərbaycandan tranzit kimi istifadə edənlərdir. Günlərdir burada yatıb-qalxan sürücülər isə yüklərinin xarab olmasından və şəraitsizlikdən narahatdırlar.

Gömrük keçid məntəqəsindən "Xəzər Xəbər"ə bildirildi ki, artıq gücləndirilmiş iş rejimində fəaliyyət göstərirlər. Hazırda gündəlik yük maşınlarının buraxılışı 2 dəfədən çox artırılıb.

O da qeyd edildi ki, bu vaxta qədər keçidlərdə ləngimələr Rusiya tərəfində baş verirdi. Yaxın günlərdə sıxlıq tam aradan qaldırılacaq.

Xezerxeber.az mövzu ilə bağlı daha ətrasflı videomaterialı təqdim edir: