Güclü küləklə əlaqədar sakinlərə və sürücülərə XƏBƏRDARLIQ

Tarix: 7 Oktyabr 2019 11:24

Bakı. İlhamə İsabalayeva – Trend:

Bakı Şəhər İcra Hakimiyyəti (BŞİH) paytaxtda müşahidə olunan küləklə əlaqədar sakinlərə və sürücülərə xəbərdarlıq edib.

BŞİH Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov Trend-ə bildirib ki, yaxın bir necə saat ərzində Bakıda və Abşeron yarımadasında şimal küləyinin 15-20, arabir 23-28, bəzi yerlərdə isə arabir 30-33 metr-saniyədək güclənəcəyi gözlənilir. Belə güclü külək, eyni zamanda hazırda ağacların yarpaqla yüklü olması onların aşma ehtimalını artırır:

"Güclü külək hətta sağlam ağacları da aşıra bilər. Buna görə də sürücülərdən xahiş edilir ki, maşınlarını ağacların altında saxlamasınlar. Sakinlərə isə ağacların altında dayanmamaq və ehtiyatlı olmaq məsləhət görülür".

Trend-in ən mühüm və maraqlı xəbərlərini "Telegram"da izləyin