Qobustanda DƏHŞƏTLİ QƏZA: Bir neçə avtomobil yandı, ölən var - YENİLƏNİB - VİDEO

Tarix: 3 Yanvar 2023 10:20

10:14

Bu gün Bakı-Qazax yolunun 55-ci km baş vermiş yol-nəqliyyat hadisəsi nəticəsində baş vermiş yanğın tam olaraq söndürülüb.

Baş Dövlət Yol Polisi İdarəsindən Sonxeber.net-a verilən xəbərə görə, hərəkətin nizamlanması DYP əməkdaşları tərəfindən tənzimlənir. Qəzada Opel markalı 99-BH-926 d.q.n-lı, Mercedes markalı 99-ZD-593 d.q.n-lı və Kamaz markalı 42-CB-514 d.q.n-lı avtomobillər toqquşmuşdur. Qəza nəticəsində Mercedes 99-ZD-593 d.q.n-lı yanacaq daşıyan avtomobilin sürücüsü həyatını itirmişdir. Faktla bağlı araşdırma aparılır.

---------
09:20

Baş DYP İdarəsindən verilən məlumata görə bu gün saat 08:20 radələrində Bakı-Qazax yolunun 55 km-də 3 nəqliyyat vasitəsinin toqquşması nəticəsində yol-nəqliyyat hadisəsi baş vermiş hadisə nəticəsində avtomobillərdə yanğın başlayıb.

Baş Dövlət Yol Polisi İdarəsindən Sonxeber.net-a verilən xəbərə görə, ilkin məlumata görə hadisədə iştirak edən nəqliyyat vasitələrindən biri yanacaq daşıyan avtomobildir. Əraziyə dərhal Baş DYP İdarəsinin və FHN-nin əməkdaşları cəlb edilmişdir.

Hadisə nəticəsində ilkin məlumata görə 1 nəfər dünyasını dəyişib.​​​​​​​ DYP əməkdaşları yolda təhlükəsizliyi təmin edərək hərəkətin nizamlanmasını həyata keçirirlər.

Hadisə barədə ətraflı məlumat veriləcək.

---------
08:51

Bakı - Astara yolunun Qobustan rayonu ərazisindən keçən hissəsində yanacaq daşıyan maşında partlayış baş verib.

Sonxeber.net xəbər verir ki, hadisə səhər saatlarında qeydə alınıb.

Hadisə zamanı yanacaqdaşıyan tırla kamazın toqquşduğu və daha bir neçə maşının zərər şəkdiyi bildirilir.

FHN-dən bildirilib ki, 112 qaynar xəttinə daxil olan məlumata əsasən, Qobustan qəsəbəsində yol kənarında yanacaq daşıyan maşın yanır: "FHN-in qüvvələri dərhal hadisə yerinə geriblər. Əlavə məlumat veriləcək".