Tatlısəs Dua Lipanın fotosunun gerçək olduğunu düşündü - FOTO

Tarix: 3 Yanvar 2023 17:55

Türkiyəli sənətçi İbrahim Tatlısəs dünyaca məşhur müğənni Dua Lipanın şəklini sosial media hesabında paylaşıb.

Sonxeber.net "Qafqazinfo"ya istinadən məlumat verir ki, sosial şəbəkədə Dua Lipanın fotoşopu paylaşılıb. Britaniyalı müğənninin şəklinə İbrahim Tatlısəsin "Allah səni cəzalandıracaq" sözləri ilə döymə etdirilib.

Bunu görən Tatlısəs fotoşop döyməsinin gerçək olduğunu zənn edərək Lipanın şəklini sosial media hesabında yerləşdirib. Sənətçi paylaşımında "Cəsur və gözəl qızımıza təşəkkür edirəm" sözlərini qeyd edib.

Tatlısəs paylaşımını qısa müddət sonra silsə də, izləyicilərinin dilinə düşməkdən qaça bilməyib. Fotonun fotoşop olduğunu öyrənən İbrahim Tatlısəs tviter hesabından mövzu ilə bağlı açıqlama verib.

Tatlısəs "Ajda Pekkanı tanıyıram, Hadisəni tanıyıram. Vaxtım var ki, Dua Lipanı tanıyım və onu izləyim? Məlum oldu ki, bunu başqa qıza ediblər, göndəriblər. Təşəkkür edib paylaşdım. Niyyətim pis deyildi",- sözlərini deyib.