Əyyub Quliyev drijor təyin olunub

Tarix: 1 Dekabr 2025 16:03

Qara Qarayev adına Azərbaycan Dövlət Kamera Orkestrinin dirijoru vəzifəsinə Əyyub Quliyev təyin olunub.

Müslüm Maqomayev adına Azərbaycan Dövlət Akademik Filarmoniyasının mətbuat xidmətindən bildirilib.

Əyyub Quliyev 1984-cü ildə anadan olunub.  

2005-ci ildə Bakı Musiqi Akademiyasının dirijorluq fakültəsini fərqlənmə ilə bitirib.  

2005-2007-ci illərdə Rimski-Korsakov adına Sankt-Peterburq Dövlət Konservatoriyasının aspiranturasında opera-simfonik dirijorluğu ixtisası üzrə təhsil alıb.  

2008-ci ildə Vyana Dövlət Musiqi və İncə Sənətlər Universitetində təhsilini davam etdirib.  

2013-cü ildə Vasili Safonov adına Rusiya Akademik Dövlət Filarmoniyasının baş dirijoru təyin olunub.  

2018-ci ildə Azərbaycan Dövlət Akademik Opera və Balet Teatrının baş dirijoru və musiqi rəhbəri vəzifəsinə təyin edilib.  

2017-ci ildə Azərbaycanın Əməkdar artisti fəxri adına layiq görülüb.  

Yeni dirijorumuz Əyyub Quliyevə yaradıcılıq uğurları və maraqlı konsertlər arzulayırıq!