Aktual mövzular: Dollar alış-satışı, Neftin qiyməti, COP29, Hava proqnozu

Putindən müharibədə ölən rus əsgərlərinin ailələrinə maddi yardım

Tarix: 3 Yanvar 2023 21:12

Rusiya prezidenti Vladimir Putin Ukraynada gedən müharibədə həlak olan rus əsgərlərinin ailələrinə 5 milyon rubl yardım edilməsi barədə qərar imzalayıb.

Sonxeber.net qaynarinfo-ya istinadən xəbər verir ki, Putinin imzaladığı, Rusiya əsgərləri, təhlükəsizlik qüvvələri və onların ailələri üçün əlavə sosial təminatları özündə əks etdirən qərar " Rusiya Dövlət Qanunu İnformasiyası" saytında dərc edilib.

Qərara əsasən, "xüsusi hərbi əməliyyat" zamanı həyatını itirən hərbçilərin, Daxili İşlər Nazirliyinin və Rusiya Milli Qvardiyasının əməkdaşlarının ailələrinə 5 milyon rubl (təxminən 71,5 min dollar) birdəfəlik ödəmə veriləcək.

Bundan əlavə, sözügedən şəxslərə xəsarət, travma və ya şok keçirmələri halında 3 milyon rubl (təxminən 42 min 900 dollar) ödəniləcək.

İmzalandığı tarixdən qüvvəyə minən qərar 24 fevral 2022-ci il tarixindən etibarən həyatını itirən və yaralanan əsgərlərin ailələrini əhatə edəcək.

Whatsapp ilə göndər