Aktual mövzular: Dollar alış-satışı, Məzənnə, Neftin qiyməti

"Xoşbəxtlikdən, Azərbaycanın qolu sayılmadı" - Marko Rossi

Tarix: 13 Oktyabr 2019 23:12

"Yetmiş beş dəqiqəni yaxşı keçirdik, sonra isə yorulduq. Rəqib bundan yararlanaraq qol vurdu. Xoşbəxtlikdən, qol sayılmadı. Orada nə baş verdiyini görmədim. Bəxtimiz gətirdi".

Qol.az xəbər verir ki, bu sözləri Macarıstan yığmasının baş məşqçisi Marko Rossi Avro-2020-nin seçmə mərhəəsində evdə millimizə qalib gəldikləri oyundan (1:0) sonra mətbuat konfransında deyib.
 
İtaliyalı mütəxəssis hamının Azərbaycan millisinə hörmətlə yanaşmalı olduqlarını vurğulayıb: "Onlar Xorvatiya ilə 1:1 hesablı heç-heçə ediblər, Uelsə son dəqiqələrdə qol buraxaraq uduzublar".

Rossi Xorvatiya ilə oyuna görə tənqid olunmalarına da diqqət çəkib: "Həmin görüşdə inanılmaz səhvlərə yol vermişdik. Amma çox güclü futbolçulara, dünyanın ikinci ən güclü komandasına qarşı çıxış etmişdik".(Report)

 


Etiketlər:  Xoşbəxtlikdən Azərbaycanın qolu sayılmadı Marko Rossi


RƏYLƏR



Populyar Xəbərlər

XƏBƏR LENTİ