Aktual mövzular: Dollar alış-satışı, Neftin qiyməti, COP29, Hava proqnozu

Prezident: ''Sülh müqaviləsində Qarabağ haqqında hansısa iddianın olması qəbuledilməzdir''

Tarix: 18 Fevral 2023 19:24

Azərbaycan Respublikasının Prezidenti İlham Əliyev ABŞ Dövlət katibi Antoni Blinken və Ermənistanın Baş naziri Nikol Paşinyanla üçtərəfli görüşünün detallarını açıqlayıb.

Dövlət başçısı jurnalistlərə müsahibəsində görüşün konstruktiv keçdiyini qeyd edib.

"Yaxşı keçdi, məncə konstruktiv keçdi. Bir çox məsələlər müzakirə edildi, o cümlədən Ermənistan və Azərbaycan arasında sülh sazişinin imzalanması, sazişin imzalanması üçün lazım olan şərtlərin mövcudluğu. Əlbəttə ki, mən öz mövqeyimi bir daha bildirdim. Əsas məsələ ondan ibarətdir ki, bu sülh müqaviləsi beynəlxalq norma və prinsiplər əsasında təşkil edilməlidir, tərtib edilməlidir. Qarabağ haqqında hər hansısa iddianın olması qəbuledilməzdir. Bu haqda da Azərbaycanın mövqeyi bildirildi. Biz üç gün bundan qabaq Ermənistandan bizim təkliflərimizə yeni cavab təklifləri aldıq. Onları indi incələyirik. İlk baxışda Ermənistan mövqeyində tərəqqi var, ancaq kifayət qədər deyil. Yəni əsas bu məsələ müzakirə olundu", - dövlət başçısı vurğulayıb.

Whatsapp ilə göndər