Aktual mövzular: Dollar alış-satışı, Neftin qiyməti, COP29, Hava proqnozu

Polisdən “Narkomaniyaya yox deyək” adlı maarifləndirici dərs - VİDEO - FOTO

Polisdən “Narkomaniyaya yox deyək” adlı maarifləndirici dərs - VİDEO - FOTO

Tarix: 21 Fevral 2023 17:08

"Narkomaniyaya yox deyək" mövzusunda növbəti maarifləndirici tədbir Binəqədi Rayon Polis İdarəsinin təşkilatçılığı ilə rayonun 300 nömrəli tam orta məktəbində keçirilib.

Daxili İşlər Nazirliyinin (DİN) mətbuat xidmətindən Sonxeber.net-a bildiriblər ki, Dövlət Himninin səslənməsi və şəhidlərin xatirəsinin bir dəqiqəlik sükutla yad edilməsi ilə başlayan tədbirdə çıxış edən Rayon İcra Hakimiyyəti başçısının müavini Sevinc Süleymanova yetkinlik yaşına çatmayanların hüquqlarının müdafiəsi sahəsində görülmüş işlərdən danışıb.

Rayon Polis İdarəsinin rəis müavini Vüsal Axundov isə narkotik vasitələrin qanunsuz dövriyyəsinə qarşı rayon ərazisində aparılan mübarizəyə diqqət çəkib. Qeyd edilib ki, rayon polisi narkotik vasitələrin alveri ilə məşğul olanların tutularaq məsuliyyətə cəlb edilməsi istiqamətində əməliyyat tədbirləri keçirməklə yanaşı, davamlı olaraq aparılan maarifləndirmə işi ilə gəncləri "ağ ölüm" bəlasından qorumağa çalışır.

Ötən il rayon ərazisində qanunsuz dövriyyədən 57 kiloqram 763 qram narkotik vasitə çıxarıldığını deyən Binəqədi Rayon Polis İdarəsinin Narkotiklərlə Mübarizə Bölməsinin rəisi Eltun İsayev də qətiyyətli mübarizənin bundan sonra da davam etdiriləcəyini vurğulayıb.

DİN Mətbuat Xidmətinin rəis müavini Hafiz Təmirov, Polis İdarəsinin İctimai Təhlükəsizlik Şöbəsinin rəisi Orxan Rzayev və idarənin yetkinlik yaşına çatmayanlar üzrə inspektoru Lalə Əliyeva məktəblilərə gənclərin narkomanlıq və digər zərərli vərdişlərdən qorunması üçün dövlət səviyyəsində görülən işlər barədə məlumat verib, gənc nəslin savadlı, vətənpərvər ruhda böyüməsi, sağlam inkişaf etməsi, zərərli vərdişlərdən uzaq olmaları ilə bağlı zəruri tövsiyələr veriblər.

Xüsusilə qeyd olunub ki, narkotiksiz cəmiyyət üçün mübarizəsini ardıcıl şəkildə davam etdirən polisin fəaliyyətin ictimaiyyət, əsasən də valideyn və təhsil müəssisələri tərəfindən aktiv formada dəstəklənməsi zəruridir.

Sonda şagirdlərin sualları cavablandırılıb, mövzu ilə bağlı videoçarx nümayiş etdirilib.


Etiketlər:  Polisdən Narkomaniyaya deyək adlı maarifləndirici dərs VİDEO FOTO


RƏYLƏR



Populyar Xəbərlər

XƏBƏR LENTİ