İtlərlə bağlı maraqlı qanun qəbul edilə bilər

Tarix: 24 Fevral 2023 21:00

ABŞ-ın Florida ştatı itlərin avtomobilin şüşələrindən başını çıxarmasını qadağan etmək istəyir.

Sonxeber.net "USA Today"-ə istinadən bildirir ki, müvafiq qanun layihəsini ştat senatoru Loren Buk hazırlayıb.

Qanun layihəsində heyvanların mühafizəsi üçün müxtəlif qaydalar, o cümlədən pişiklərin dırnaqların çıxarılmasına qadağa və heyvanlar üzərində eksperimentlər daxildir. Sənədə əsasən, sürücülərə iti qucağında saxlamaq, itlərə isə avtomobilin pəncərəsindən başını və ya bədəninin hər hansı digər hissəsini çıxarmaq qadağan edilməlidir.

Sənəddə həmçinin itlərin avtomobilin avtomobilin qanadında, kapotunda və ya damında, eləcə də baqajda, bağlı yük hissəsində və ya buksir edilən nəqliyyat vasitəsində daşınmasına qadağa qoyulub. Köpək yük maşınının arxasındadırsa, o zaman heyvanı pis havadan və birbaşa günəş işığından qoruyan havalandırılan bir daşıyıcıda olmalıdır.

Kabinədə daşınarkən itləri bağlamaq lazımdır, lakin onlar sərnişinlərin qucağında da daşına bilər. Bu qaydalara əməl etməyən sürücülər yol hərəkəti qaydalarını pozan (cinayət məsuliyyətinə cəlb olunmadan) hesab olunacaqlar.

"Carscoops"a görə, Nyu-Hempşir ştatında sürücülərin maşın sürərkən qucağında it tutmasını qeyri-qanuni etmək üçün oxşar qanun layihəsi qəbul edilir. Hesabatda belə bir təşəbbüs ştatda sürücülərin kəskin tənqidinə səbəb olub.

İrfan Vəliyev