Aktual mövzular: Dollar alış-satışı, Məzənnə, Neftin qiyməti

Bu şəxslər piylənmə riski altındadır

Tarix: 26 Iyun 2023 18:00

Gün ərzində 30 dəqiqədən çox yatmaq sağlamlıq problemlərinə səbəb ola bilər.

Milli.Az lent.az-a istinadən bildirir ki, mütəxəssislər 18-65 yaş arası 3000-dən çox ispaniyalının məlumatlarını təhlil ediblər.

Nəticələr göstərib ki, gün ərzində 30 dəqiqədən çox yatan insanların bədən kütləsi indeksi yatmayanlara və ya yarım saatdan az yatanlara nisbətən 2 faiz yüksəkdir.

Eyni zamanda, axşam yeməyindən sonra uzun yuxuya üstünlük verən iştirakçılarda piylənmə riski 23 faiz, metabolik sindrom riski isə 40 faiz artıb.

Mütəxəssislər bunun gündüz yuxusu zamanı narahat bir duruş, həmçinin gecə yuxusunun pisləşməsi və pəhrizin dəyişməsi ilə bağlı ola biləcəyini istisna etmirlər.

Milli.Az

Whatsapp ilə göndər