''Hər şey bir kişiyə görədir?''

Tarix: 2 Iyul 2023 08:44

Kanadalı müğənni Castin Biberin model həyat yoldaşı Heyli Biber "Bloomberg The Circuit" verilişində qonaq olub.

Sonxeber.net axşam.az-a istinadən bildirir ki, model həyat yoldaşının eks-sevgilisi, məşhur müğənni Selena Qomezlə onun adından qruplaşmalar arasında gedən ədavətdən yorulduğunu deyib.

Heylinin sözlərinə görə, bütün söz-söhbətlərin səbəbi onlar arasında baş verənlər deyil, uydurulmuş, təhrif olunmuş xəbərlər, və qarşı tərəfə olan nifrət hissindən qaynaqlanır.

O, bu cür qruplaşmaların əleyhinə olduğunu və bütün mübahisələrin bir kişiyə görə edilməsi fikrinə üzüldüyünü vurğulayıb: 

"Hər şey bir kişiyə görədir?! Bu, dəhşətlidir. Buna nifrət edirəm! Sanki dəfələrlə səhv başa düşülürsən. Bilmirəm niyə hər dəfə problem olmadığını söyləmək məcburiyyətindəyik. İnsanların birinə görə sənə belə davranması çox məyusedicidir. Təəssüf ki, bizim dünyamız belədir".

Qeyd edək ki, Castin 2018-ci ildə Selena ilə ayrıldıqdan qısa müddət sonra Heyli ilə ailə qurmuşdu. Bundan sonra tərələr arasında yaşananlar ulduzların pərəstişkarları tərəfindən birmənalı qarşılanmamışdı. Selenanın izləyiciləri davamlı olaraq Castinlə Heylinin ona haqsızlıq etdiyini bildirərək cütlüyü hətta təhqir edirdilər.

Selena və Heyli bir müddət əvvəl barışdıqlarını açıqlayıblar.