Aktual mövzular: Dollar alış-satışı, Məzənnə, Neftin qiyməti

Beynəlxalq yarışda azərbaycanlı və türk idmaçıların bu jesti alqışlarla qarşılandı - VİDEO

Tarix: 23 Iyul 2023 10:58

Rumıniyanın Ployeşti şəhərində yeniyetmə oğlan və qız boksçular arasında Avropa birinciliyi start götürüb.

32 ölkədən 378 idmançının qatıldığı yarışın ilk günündə Azərbaycan millisinin 4 üzvü rinqdən qalib ayrılıb.

50 kq çəki dərəcəsində mübarizə aparan Sübhan Babayevin də Avropa birinciliyində debütü uğurlu alınıb.

O, türkiyəli Ahmet Yılmaz üzərində 5:0 hesabı ilə qələbə qazanıb. Ancaq bu dueldə daha maraqlı və yaddaqalan hadisə görüşdən sonra baş verib. Belə ki, idmançımız nəticə elan olunduqdan sonra türkiyəli rəqibinə yaxınlaşaraq onun formasının üzərində olan Türkiyə bayrağını öpməklə hörmətini bildirib. Ardınca Ahmet Yılmaz boksçumuzun formasındakı Azərbaycan bayrağını öpərək qarşılıq verib. Rumıniyadakı Avropa birinciliyində də nümayiş olunan Azərbaycan - Türkiyə qardaşlığı həmin hadisədən sonra alqışlarla qarşılanıb.

Xezerxeber.az mövzu ilə bağlı daha ətraflı videomaterialı təqdim edir:

Milli.Az

Whatsapp ilə göndər