Aktual mövzular: Dollar alış-satışı, Məzənnə, Neftin qiyməti

Avropaya sığınacaq üçün müraciət edənlərin sayı artıb

Tarix: 10 Sentyabr 2023 09:38

2023-cü ilin ilk yarısında Avropa İttifaqına üzv ölkələrə, həmçinin Norveç və İsveçrəyə sığınacaqla bağlı 519 min nəfər müraciət edib.

Milli.Az APA-ya istinadən bildirir ki, bu barədə Avropa İttifaqı Sığınacaq Agentliyi məlumat yayıb. Qurum hesab edir ki, ilin sonunadək rəqəm 1 milyonu keçəcək.

Qurumun hesabatında göstərilir ki, müraciət edənlərin sayı ötən illə müqayisədə 28% çoxdur. Artımın səbəbi bir çox ölkədə siyasi, iqtisadi və ekoloji vəziyyətin pisləşməsidir. Say çoxluğuna görə ilk sıralarda Suriya, Əfqanıstan, Venesuela və Kolumbiya gəlir. Ümumi müraciətlərin 44%-i sözügedən ölkələrin payına düşür.

Müraciət sayı ölkələr arasında qeyri-bərabər bölünüb. İddiaçıların 30%-i Almaniyaya, 17%-i İspaniyaya, 16%-i isə Fransaya müraciət edib.

Milli.Az

Whatsapp ilə göndər