ABŞ-nin müdafiə naziri Yaxın Şərqlə bağlı əmr verdi

Tarix: 17 Oktyabr 2023 08:22

ABŞ-ın müdafiə naziri Lloyd Austin ölkə ordusuna İsraili dəstəkləmək üçün Yaxın Şərqə yerləşdirməyə hazır olmaq əmrini verib.

Sonxeber.net report-a istinadən xəbər verir ki, bu barədə "Fox News" telekanalı yüksək rütbəli amerikalı məmura istinadən xəbər yayıb.

Onun sözlərinə görə, ABŞ Silahlı Qüvvələrinin hansı bölmələrinin cəlb olunacağı və hansı şəraitdə iştirak edəcəyi hələ məlum deyil. Eyni zamanda, rəsminin vurğuladığı kimi, hərbçilər hərbi əməliyyatlarda iştirak etmək üçün yerləşdirilməyəcək.

Bundan əvvəl "The Wall Street Journal" xəbər verib ki, ABŞ-ın Müdafiə Nazirliyi təxminən 2 min hərbçini Yaxın Şərqə potensial yerləşdirməyə hazırlamaq üçün seçib. Hazırda ABŞ-ın seçilmiş hərbi personalı Yaxın Şərq və Avropadadır.