Aktual mövzular: Dollar alış-satışı, Neftin qiyməti, COP29, Hava proqnozu

ABŞ İsrail sahillərinə 4000-dən çox hərbçi göndərir

ABŞ İsrail sahillərinə 4000-dən çox hərbçi göndərir

Tarix: 17 Oktyabr 2023 23:32

Amerika Birləşmiş Ştatları İsrail sahillərinə 4000-dən çox dənizçi və dəniz piyadası göndərmək qərarına gəlib.

Sonxeber.net publika.az-a istinadən xəbər verir ki, bu barədə "The Washington Post"a məlumat yayıb.

Adı açıqlanmayan iki ABŞ rəsmisi nəşrə verdiyi şərhdə 4000-dən çox dənizçi və dəniz piyadasının daxil olduğu hazırlıq qrupunun İsrail sahillərində ABŞ gəmilərinə yerləşdiriləcəklərini bildirib.

Jurnalistlər qeyd edirlər ki, qrupa dəniz piyadalarının 26-cı ekspedisiya bölməsi daxil olacaq və o, bir sıra xüsusi əməliyyatlar da daxil olmaqla, geniş spektrli tapşırıqları yerinə yetirməyə hazırdır.

WP-nin məlumatına görə, hərbçilər bu yaxınlarda Küveyti tərk edən "USS Bataan" və "USS Carter Hall"a gələcəklər. Bölmədəki üçüncü gəmi, "USS Mesa Verde" Aralıq dənizində olub və İsrail sahillərinə doğru getməli idi.

Nəşr vurğulayır ki, qoşunların bu cür köçürülməsi Amerika rəsmilərinin Livanın "Hizbullah" hərbiləşdirilmiş qruplaşması ilə toqquşmalardan sonra münaqişənin mümkün genişlənməsi ilə bağlı qorxularını əks etdirir.


Etiketlər:  ABŞ İsrail sahillərinə 4000 dən çox hərbçi göndərir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ