Ağır atletika üzrə Kubokda ilk yarış gününün son qalibləri müəyyənləşdi (FOTO)

Tarix: 9 Noyabr 2019 20:28

Bakı. Trend:

9-10 noyabr tarixlərində Şüvəlan qəsəbəsindəki Ağır Atletika Akademiyasının yarış zalında keçirilən ağır atletika üzrə Azərbaycan Kubokunda ilk yarış gününə yekun vurulub.

Trend-in Ağır Atletika Federasiyasına istiinadən verdiyi məlumata əsasən, körpücük üzərinə son olaraq çəkisi 67 və 73 kq-a qədər olan atletlər çıxıblar. Çəkisi 67 kq-a qədər olan atletlər mübarizə maraqlı alınıb. Toplam 260 kq (118+142) nəticə göstərən Elməddin Hüseynov kubokun qalibi adına layiq görülüb. Onun ən yaxın izləyicisi Ömər Cavadov toplam 252 kq (117+135) nəticə ilə gümüş medala, toplam 243 kq (108+135) nəticə ilə isə Fuad Həsənov bürünc medala sahib çıxıb.

73 kq çəki dərəcəsində isə toplam 283 kq (122+161) nəticə göstərən Elşad Şərifov Azərbaycan Kubokunun sahibi adını qazanıb. Gümüş medalı yetərincə yaxşı nəticə – 273 kq (120+153) göstərən gənc Rüstəm Qasımov əldə edib. Bürünc medal isə toplam 272 kq (124+148) nəticə göstərən Paşa İbrahimliyə qismət olub.

Yarışda şəhər və rayonların, idman cəmiyyətlərinin, idman klublarının, idman mərkəzlərinin, UGİM-lərinin hazırkı əsasnamə üzrə təyin olunmuş dərəcə normalarını yerinə yetirən və tibbi müayinədən keçən yüzə yaxın atlet öz qüvvəsini sınayır. Azərbaycan Kubokunun təşkilində məqsəd atletlərin hazırlıq durumlarının yoxlanılması, ehtiyat qüvvənin nəzərdən keçirilməsi, güclü idmançıların seçilməsidir.

67 kq

N	Adı	İl	Şəhər	Klub	Çəki	Birdən	Təkanla	Toplam
1.	Hüseynov Elməddin	2001	Şamaxı	Zirvə-Aviator	67.0	118	142	260
2.	Cavadov Ömər	2002	Xırdalan	Zirvə-Aviator	66.5	117	135	252
3.	Həsənov Fuad	2003	Lənkəran	UGİM-Aviator	65.1	108	135	243
4.	Sahibov Sənan	2004	Qobustan	Zirvə	65.1	91	120	211
5.	Nəbiyev Kamil	2003	Bakı	Spartak	66.2	95	115	210

73 kq

N	Adı	İl	Şəhər	Klub	Çəki	Birdən	Təkanla	Toplam
1.	Şərifov Elşad	1997	Şamaxı	Zirvə	73.0	122	161	283
2.	Qasimov Rüstəm	2002	Lənkəran	Təhsil-Aviator	69.2	120	153	273
3.	Paşa İbrahimli	1995	Lənkəran	Zirvə-Aviator	70.2	124	148	272
4.	Əskərzadə Samir	2002	Neftçala	Zirvə	72.8	120	145	265
5.	Əliyev Murad	2003	Sumqayıt	Zirvə-Aviator	68.9	119	136	255
6.	Şərifov Elşən	1996	Şamaxı	Zirvə	72.3	111	135	246
7.	Muxtarlı Novruz	2002	Sumqayıt	Təhsil	69.0	100	120	220
8.	Babayev Səxavət	1997	Şamaxı	Zirvə	73.1	90	115	205

Trend-in ən mühüm və maraqlı xəbərlərini "Telegram"da izləyin