500 uşaq atası olan adam: "Mən sadəcə qadınlara kömək edirəm" - FOTOlar

Tarix: 15 Fevral 2024 03:04

Hollandiyada yaşayan 42 yaşlı Jacob Meijer adlı musiqiçinin sperma bağışlaması dünya mətbuatında geniş işıqlandırılıb. Səbəbini soruşsanız, Meijerin bu günə qədər 500-dən çox uşağın bioloji atası olduğu təxmin edilir.

Milli.Az sfera.az-a istinadən maraqlı hadisənin təfərrüatlarını təqdim edir.

Dünyada uşaq sahibi olmaq istəyən, lakin müxtəlif sağlamlıq problemlərinə görə edə bilməyən insanların ilk müraciət yeri sperma banklarıdır. Ancaq sperma banklarının bəzən sui-istifadə edildiyi və ya sperma bağışlamasının gözlənilməz nəticələrə gətirib çıxardığı da görülür.

Eşidəndə təəccübləndirə biləcək bu hadisələrdən birini bu yaxınlarda xarici mətbuatda çıxan xəbərlərdən izlədik. Hollandiyada yaşayan Jacob Meijer adlı musiqiçinin 500-dən çox uşağın bioloji atası olması ilə bağlı iddialar gündəmə gəlib.

"Daily Mail"də yer alan bir xəbərə görə, Jacob Meijer adlı musiqiçi 2007-ci ildən bəri sperma banklarına donorluq edir. Onun sayı 500-dən çox olan övladlarının dünyanın hər yerinə səpələndiyi təxmin edilir. Uşaqların sayına nəzər salsaq, onların 375-i Hollandiyada, 80-i Almaniyada, 35-i Belçikadadır. Qalanları Amerika və okeaniya ölkələrindədir.

Yenə mətbuatda çıxan xəbərlərdən öyrənirik ki, Jacob Meijer sperma banklarına ianə verməklə yanaşı, uşaq sahibi olmaq istəyən cütlərin bir araya gəldiyi Facebook qruplarına da qoşulub. Təbii ki, bu hadisələrdən sonra Hollandiya hökuməti çox maraqlı qərar qəbul etməli olub.

Hollandiya hökuməti 42 yaşlı Meijerə uşaq sahibi olmağı qadağan edib. Çünki Hollandiyada bir insanın 25-dən çox uşaq sahibi olması qadağandır. Kişi sperma bağışlasa, 12 qadına qədər hamilə qala bilər. Meijer isə həddi aşıb.

Amma bu qadağa da Meijeri çox dayandırmayıb. Musiqiçinin sosial şəbəkələrdəki paylaşımlarına əsasən o, hələ də sperma bağışlamağa davam edir. Etdiklərini isə bu sözlərlə dəstəkləyir:

"Mən sadəcə uşaq sahibi olmaq istəyən qadınlara kömək edirəm".

Milli.Az