Aktual mövzular: Dollar alış-satışı, Neftin qiyməti, COP29, Hava proqnozu

“Türk Eskobar” və dəstəsinə qarşı əməliyyat keçirildi - FOTOlar

Tarix: 20 Fevral 2024 14:50

Türkiyədə ölkələrarası narkotik satışı və daşınması kimi əməllərdə şübhəli bilinən şəbəkəyə qarşı əməliyyat keçirilib.

Sonxeber.net qafqazinfo-ya istinadən xəbər verir ki, ölkənin daxili işlər naziri Ali Yerlikaya əməliyyatlar zamanı 42 nəfərin saxlanıldığını açıqlayıb.

"Türk Eskobar" ləqəbli Ürfi Çetinkayanın rəhbəri olduğu qruplaşmaya qarşı keçirilən əməliyyata "Kafes-44" adı verilib. Bildirilib ki, əməliyyat zamanı saxlanılanlar arasında ABŞ tərəfindən İnterpol xətti ilə beynəlxalq axtarışa verilmiş şəxs də var.

Cinayətkar şəbəkənin Almaniya, Bolqarıstan, İspaniya, Mavritaniya, Portuqaliya və Yunanıstanda ələ keçirilmiş ümumilikdə 37 ton narkotikə cavabdeh olduğu qeyd edilib. Onların narkotiklərin daşınmasında gəmi, kater və yük avtomobillərindən gizli yollarla istifadə etmələri üzə çıxıb.