Aktual mövzular: Dollar alış-satışı, Neftin qiyməti, COP29, Hava proqnozu
Tarix: 1 Mart 2024 15:00
Türkiyə Superliqasının 28-ci turu çərçivəsində martın 3-ü keçiriləcək "Beşiktaş" "Qalatasaray" derbisini baş hakim Halil Umut Meler idarə edəcək.
Sonxeber.net "qafqazinfo"ya istinadən xəbər verir ki, ötən il dekabrın 11-də keçirilən "Ankaragücü" - "Çaykur Rizespor" (1:1) matçında döyülərək xəstəxanaya yerləşdirilən referi 3 ay sonra yaşıl meydanlara qayıdacaq.
O, İstanbul derbisində fit sahibi olacaq.
Qeyd edək ki, Halil Umut Melerin ötən il baş tutan "Ankaragücü" - "Çaykur Rizespor" (1:1) matçında verdiyi qərarlardan narazı qalan meydan sahiblərinin prezidenti Faruk Koca referini yumruqla vurmuşdu. Hakim aldığı xəsarətlərdən sonra xəstəxanaya yerləşdirilmişdi. Faruk Koca isə "Ankaragücü"nün prezidenti postundan istefa vermişdi.