Rusiyada həkimlər qadının gözündən səkkiz santimetrlik budaq parçası çıxarıblar - FOTO

Tarix: 21 Mart 2024 11:48

Rusiyanın Stavropol şəhərində neyrocərrahlar xəstənin kəllə sümüyündən səkkiz santimetrlik budaq parçası çıxarıblar.

Sonxeber.net oxu.az-a istinadən xəbər verir ki, bu barədə Rusiyanın Stavropol diyarı üzrə Səhiyyə Nazirliyi məlumat verib.

45 yaşlı qadın gözlərindəki problemlərdən şikayət etməyə başlayıb. Qadın həkimlərə bağda huşunu itirdikdən sonra ağrıların başladığını bildirib.

Məlum olub ki, bir neçə həftə əvvəl onun sağ gözü tamamilə görmə qabiliyyətini itirib. Göz qapağından irin gəldikdən sonra qadın mütəxəssislərə müraciət etmək qərarına gəlib.

Həkimlər dərhal mürəkkəb əməliyyat keçiriblər. Kəllə sümüyünün göz yuvasından keçərək görmə sinirini zədələyən budaq parçası çıxarılıb.

Hazırda zərərçəkmiş sağalma prosesindədir, lakin onun görmə qabiliyyətini bərpa etmək mümkün olmayıb.