Aktual mövzular: Dollar alış-satışı, Neftin qiyməti, COP29, Hava proqnozu

Orxan Məmmədov: “Azərbaycan minifutbol tarixində yeni səhifə açacağıq”

Orxan Məmmədov: “Azərbaycan minifutbol tarixində yeni səhifə açacağıq”

Tarix: 21 May 2024 18:20

"Biz Azərbaycan minifutbol tarixində yeni səhifə açacağıq. Bizim kimi gənc federasiya üçün böyük turnirlərin keçirilməsi vacibdir".

Sonxeber.net İdman.Biz-ə istinadən bildirir ki, bunu Azərbaycan Minifutbol Federasiyasının prezidenti Orxan Məmmədov deyib.

Minifutbol üzrə dünya çempionatının 2025-ci ildə Bakıda keçirilməsi ilə bağlı təqdimat mərasimində çıxış edən qurum rəhbəri federasiyanın keçdiyi yolla bağlı məlumat verib: "Bu illər ərzində minifutbol sevilən idman növünə çevrilib. Həvəskar futbola peşəkar yanaşmaq konsepsiyasını irəli sürdük. 2017-ci ilə federasiyamız təsis edildi. Ondan sonra xüsusi yol qət etdik. Minifutbol yığmamızın uğurlu çıxışları dövlət tərəfindən yüksək dəyərləndirilib".

Məmmədov mundialın ölkəmizdə təşkili barədə də danışıb: "2025-ci ildə dünya çempionatının Bakıda keçirilməsi ilə bağlı müraciət etdik. Dünya Minifutbol Federasiyasının prezidenti dəfələrlə ölkəmizdə oldu. O, ölkəmizdə bu idman növünün inkişafına şahidlik etdi. Biz böyük turnirlərin keçirilməsinə hazırıq".

Qeyd edək ki, Azərbaycan millisi son dünya çempionatında 4-cü yeri tutub.


Etiketlər:  Orxan Məmmədov Azərbaycan minifutbol tarixində yeni səhifə açacağıq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ