Aktual mövzular: Dollar alış-satışı, Neftin qiyməti, COP29, Hava proqnozu

''Az qalır 97 yaşım ola, sual verir ki, niyə ailə qurmadın?''

Tarix: 22 May 2024 01:05

Xalq artisti Nisə Qasımova aparıcıları tənqid edib.

Sonxeber.net bizim.media-ya istinadən bildirir ki, sənətçi bu haqda qonaq olduğu "Qapqara" verilişində danışıb.

Qasımova bildirib ki, aparıcılar onu verilişə çağırıb şəxsi həyatı ilə bağlı qeyri-etik suallar verirlər:

"Bəzi aparıcılar var ki, xətirlərini çox istəyirəm, amma aparıcı kimi aparıcı deyil. Ağzının danışığını bilmir. Telekanalların birində çalışan jurnalist həm müxbir, həm də aparıcıdır. Söylədi ki, Nisə xanım, bizim verilişə gəlin və sizin yaradıcılığınız haqda bir proqram edək. Ola bilər ki, mən xəstə idim və biraz da əsəbi, yorğun idim, dedim ki, oğlum, sən haqqımda heç nə bilmirsən, mən barədə nə veriliş hazırlayacaqsan?

Düz danışmaq lazımdır. Sən gəncsən. Az qalıb ki, 97 yaşım olsun və hələ də bu günə kimi mənə aparıcılar sual verirlər ki, niyə ailə qurmamısınız? Bu sualdan sonra istəyirsən saçının diblərini göstərəsən ki, artıq başımda ağ tüklər var, nə ailə qurmaq?! Yəni belə aparıcılarla heç bir ünsiyyət qurmaq olmur. Bir sözlə, onlarla söhbət alınmır".

Whatsapp ilə göndər