Mərkəzi Gömrük Hospitalın uzman ümumi cərrahı Elnur Pirəliyev canlı yayımda çıxış edəcək

Tarix: 25 Noyabr 2019 11:12

Bakı. Trend:

Mərkəzi Gömrük Hospitalının yüksəkixtisaslı uzman ümumi cərrahı Elnur Pirəliyev 27 noyabr 2019-cu il tarixində saat 16.00-da canlı yayımda“Düyünlü zob və təkrarlanan zob: doğru sayılan yanlışlar" mövzusunda çıxış edəcək və izləyicilərin suallarını cavablandıracaq.

Dr. Elnur Pirəliyev Azərbaycan Tibb Universitetinin müalicə işi fakültəsini bitirdikdən sonra 2014-2019-cu illərdə Türkiyə Cümhuriyyəti Bezmialem Vakıf Universitetində cərrah ixtisası üzrə uzmanlıq təhsili almış və 2019-cu ildə Amerika Birləşmiş Ştatlarının məşhur Cleveland Clinic xəstəxanasında Endokrin ve Metabolozim Cərrahiyyəsi, Minimal invaziv və Robotik cərrahiyyə üzrə təhsilini davam etdirmişdir. Dr. Elnur Pirəliyevin Braziliyanın, Avstraliyanın, ABŞ-ın və Türkiyənin bir çox nüfuzlu elmi tibbi jurnallarında 20-yə yaxın elmi məqalələri dərc olunmuşdur.

Canlı yayım Mərkəzi Gömrük Hospitalının rəsmi Facebook səhifəsi üzərindən yayımlanacaq (https://www.facebook.com/customshospital/). Sualları canlı yayım vaxtı və yaxud öncədən Mərkəzi Gömrük Hospitalının facebook səhifəsi vasitəsilə ünvanlamaq mümkündür. Əlavə məlumat üçün (012) 404 08 08 telefon nömrəsinə zəng etmək mümkündür.

Trend-in ən mühüm və maraqlı xəbərlərini "Telegram"da izləyin