Minbir dərdə dərman olan yemişan sirkəsini bir də belə hazırlayın

Tarix: 25 Iyul 2024 22:27

İnsan sağlamlığına bir çox faydası olan yemişan meyvəsi xüsusilə həzm problemlərinə faydalıdır.

Sonxeber.net lent.az-a istinadən xəbər verir ki, alma və üzüm sirkələrini əvəz edəcək qədər təsirli olan yenmişan sirkəsini hazırlamaq çox asandır. 

Lazım olan ərzaqlar:

-1 kq yemişan
-1,5 çay qaşığı qaya duzu
-1 alma
-1 çay stəkan alma sirkəsi
-1 çay qaşığı şəkər
-2 litr su

Hazırlanmaq qaydası:

-Suyu təxminən 5 litr tuta bilən qaba, şüşəyə və ya bankaya qoyun.
-Yemişanları yaxşıca yuyun. Sonra artıq suyu boşaldın və qurudun.
-Artıq sudan təmizlənmiş yemişanları içi su ilə dolu qaba qoyun. Alma dilimləyin və əlavə edin.
-İçərisinə duz, şəkər və sirkə əlavə edib möhkəm bağlayın.
-Qarışığı yaxşıca çalxalayın, möhkəm bağlandığından əmin olun.
-Gün işığı olan otaqda, səhər və günorta arasında günəş işığı altında, digər saatlarda isə günəş işığından uzaq, sərin və quru bir mühitdə mayalanmasına icazə verin.
-Sirkəniz təxminən 10 günlük fermentasiyadan sonra hazır olacaq.
-Mayalanmış yemişan sirkənizi süzgəcdən istifadə edərək süzün. 
-Gün işığından uzaq, sərin və quru yerdə saxlayaraq istədiyiniz kimi istehlak edə bilərsiniz.

Nuş olsun!