Aktual mövzular: Dollar alış-satışı, Neftin qiyməti, COP29, Hava proqnozu

Bakı Rusiyanı neytrallaşdıracaq, İranı isə... - İgidyan

Tarix: 8 Avqust 2024 18:42

Azərbaycan İsrail-İran gərginliyi fonunda regionda gedən təhlükəli oyunu yaxşı başa düşür.

Milli.Az Globalinfo.az-a istinadən xəbər verir ki, bunu erməni ekspert Karen İgidyan deyib.

"Regionumuzun təhlükəsizlik arxitekturasını dəqiq təsvir etmək lazımdır: üç kiçik və üç böyük ölkə var. Azərbaycana hər zaman 100%-lik Türkiyə dəstəyi olub. Bakı digər iki gücün - Rusiya və İranın ona qarşı olmamasını təmin edə bilər. Bununla da özünün fəaliyyəti üçün münbit şərait yaradıb.

İndi situasiya dəyişib. İki regional güc Bakının mümkün fəaliyyətlərinə qarşı çıxa bilər. Lakin Azərbaycan hələ hərəkətə keçməyib. Bakının Rusiyadan gələn təhdidləri neytrallaşdırmaq təcrübəsi var. Bu dəfə də Bakı Rusiyanı neytrallaşdıra biləcək. Bu da bölgədə İran faktorunu zəiflədəcək", - K.İgidyan bildirib.

Milli.Az

Whatsapp ilə göndər