İsrailin Beyruta hava hücumu etdi - 8 nəfər ölüb, 59 nəfər yaralanıb - YENİLƏNİB - VİDEO - FOTO

Tarix: 20 Sentyabr 2024 18:58

18:56

İsrailin Beyruta hava hücumu zamanı 8 nəfər ölüb, 59 nəfər yaralanıb.

APA xəbər verir ki, bu barədə Livan Səhiyyə Nazirliyi məlumat yayıb.

--------
18:23

İsrailin Beyrutun cənubuna endirdiyi aviazərbə nəticəsində 3 nəfər ölüb, 17 nəfər yaralanıb.

Sonxeber.net APA-ya istinadən bildirir ki, bu barədə Livan Səhiyyə Nazirliyi məlumat yayıb.

Hizbullaha yaxın mənbə isə AFP-yə İbrahim Akilin İsrailin hava hücumu nəticəsində öldürüldüyünü təsdiqləyib.

---------
17:49

İsrail ordusu Livanın paytaxtı Beyruta raket zərbələri endirib.

Sonxeber.net axar.az-a istinadən bildirir ki, bu barədə İsrail ordusundan məlumat verilib.

"İsrail müdafiə ordusu Beyruta yüksək dəqiqlikli raketlərlə zərbələr endirib", - məlumatda qeyd olunub.

Məlumata görə, zərbələr nəticəsində Hizbullahın xüsusi əməliyyatlarına rəhbərlik edən İbrahim Aqil adlı lideri öldürülüb.

İsrail mətbuatının məlumatına görə, İbrahim Aqil Hizbullahın 3-cü şəxsi hesab olunurdu.

ABŞ hökuməti onun başına 7 milyon dollar mükafat təyin etmişdi.

----------
17:31

İsrail ordusunun Beyruta endirdiyi aviazərbə nəticəsində Hizbullah lideri Həsən Nəsrullahın müavini Naim Qassemin hədəf alındığı bildirilir.

Sonxeber.net APA-ya istinadən bildirir ki, aviazərbə "Hizbullahın qalası" kimi tanınan Dahiyə bölgəsinə endirilib.

İsrail qüvvələrinin hücumu F-35-lərlə həyata keçirdiyi qeyd olunub.

----------
17:05

İsrail ordusu Livanın paytaxtı Beyrut şəhərinə zərbə endirib.

Sonxeber.net APA-ya istinadən bildirir ki, bu barədə İsrail Müdafiə Qüvvələri (İDF) məlumat yayıb.