Aktual mövzular: Dollar alış-satışı, Neftin qiyməti, COP29, Hava proqnozu

Bayden Sinvara görə Netanyahunu təbrik etdi

Bayden Sinvara görə Netanyahunu təbrik etdi

Tarix: 18 Oktyabr 2024 10:26

ABŞ Prezidenti Co Baydenlə İsrail Baş naziri Benyamin Netanyahu arasında telefon danışığı baş tutub.

Sonxeber.net qafqazinfo-ya istinadən xəbər verir ki,  Amerika lideri bu barədə Berlinə səfəri zamanı jurnalistlərə verdiyi açıqlamada deyib.

Bayden Netanyahunu HƏMAS rəhbəri Yəhya Sinvarın zərərsizləşdirilməsi münasibətilə təbrik edib.

O, Qəzzada atəşkəslə bağlı ümidli olduğunu və müharibənin tezliklə bitəcəyini söyləyib. Bayden əlavə edib ki, dövlət katibi Antoni Blinkeni danışıqlar üçün İsrailə göndərir.

"Bu müharibənin bitməsinin və girovların evə qayıtmasının vaxtıdır. Biz bunu etməyə hazırıq. Mən də Blinkeni İsrailə göndərirəm. Bu barədə Netanyahu ilə danışmışam", - Bayden bildirib.

Ağ Evdən verilən məlumata görə, iki lider Sinvarın öldürülməsindən sonra Qəzzada qalan 101 girovu azad etmək üçün yeni imkanlar barədə danışıblar:

"İki lider girovların azad edilməsi üçün irəliləyiş imkanlarının olduğu və bu məqsədə nail olmaq üçün birlikdə çalışacaqları barədə razılığa gəliblər".


Etiketlər:  Bayden Sinvara görə Netanyahunu təbrik etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ