Aktual mövzular: Dollar alış-satışı, Neftin qiyməti, COP29, Hava proqnozu

Lavrovdan Zelenskiyə: Şizofreniyadır, fantaziya məhsuludur

Tarix: 31 Oktyabr 2024 15:08

Rusiya xarici işlər naziri Sergey Lavrov Ukraynanın "Sülh Formulu"nu küt, Vladimir Zelenskinin "Qələbə Planı"nı isə şizofreniya adlandırıb.

Sonxeber.net APA-ya istinadən bildirir ki, bu barədə Lavrov Belarus paytaxtı Minskdə keçirilən II Beynəlxalq Avrasiya Təhlükəsizliyi konfransında bildirib.

O qeyd edib ki, "formula", "plan" və "Kiyevin nəzarətində olan Ukraynanın istər NATO, istərsə də Avropa İttifaqına üzvlüyü ilə bağlı fantaziyalar" Avropada sülhü yaxınlaşdırmır: "Avropada sülh yalnız etibarlı, davamlı təhlükəsizlik zəmanətləri ilə, məsələn, Rusiyanın 2021-ci ildə irəli sürdüyü təşəbbüsləri əsasında mümkündür. Onlar düşmən blok siyasətindən və neokolonializmdən əl çəksələr, Rusiya Qərb ölkələri də daxil olmaqla bütün Avrasiyanın təhlükəsizliyinin tərəfdarı olar. Ukraynanın 1991-ci il sərhədlərinə qaytarılması tələbləri göstərir ki, Qərbi "insanların taleyi deyil, yalnız ərazi maraqlandırır".

Whatsapp ilə göndər