Avroviziyanın aparıcıları bəlli oldu

Tarix: 24 Yanvar 2025 14:05

69-cu "Avroviziya" Mahnı Müsabiqəsinin aparıcıları müəyyən edilib.

Sonxeber.net xarici mediaya istinadla xəbər verir ki, müsabiqənin aparıcılığı Hazel Brugger, Sandra Studer və Mişel Hunzikerə tapşırılıb. Aparıcıların seçilməsi İsveçrənin dəyərlərini - açıqlıq, müxtəliflik, multikulturalizm və birlik ruhunu simvollaşdırır.

31 yaşlı Hazel mükafat qazanan komediyaçı və televiziya aparıcısıdır, İsveçrədə "Ağıl Kraliçası" kimi tanınır. 47 yaşlı Mişel Avropada çox sevilən aparıcılardandır.

55 yaşlı Sandra Studer isə karyerasına 1991-ci ildə İsveçrənin "Avroviziya" təmsilçisi kimi başlayıb və "Canzone Per Te" mahnısı ilə 5-ci yeri tutub. Sandra həmçinin televiziya aparıcısı, aktrisa və müğənni olaraq İsveçrə mədəniyyətinə böyük töhfələr verib.