Aktual mövzular: Dollar alış-satışı, Neftin qiyməti, COP29, Hava proqnozu

ABŞ Energetika Nazirliyi 2020-ci il üçün Azərbaycanda neft hasilatı ilə bağlı proqnozları açıqlayıb

ABŞ Energetika Nazirliyi 2020-ci il üçün Azərbaycanda neft hasilatı ilə bağlı proqnozları açıqlayıb

Tarix: 15 Dekabr 2019 22:16

Bakı. Trend:

ABŞ Energetika Nazirliyinin Enerji İnformasiya İdarəsinin (EIA) dekabr ayında enerji bazarının icmalında dərc edilmiş proqnoza görə, 2019-cu ildə Azərbaycanda neft və kondensat hasilatı gündə orta hesabla 0,79 milyon barel təşkil edəcək.

EIA-nın proqnozlarına görə, 2019-cu ilin dördüncü rübündə hasilatın gündə 0,76 milyon barel olacağı gözlənilir.

EIA-nın göstəricilərinə görə, 2019-cu ilin dördüncü rübündə hasilatın gündə 0,76 milyon barel təşkil edəcəyi gözlənilir.

Azərbaycanda neft və kondensat hasilatının 2020-ci il üçün rüblük proqnozu belədir: 2020-ci ilin birinci və ikinci rüblərində gündə 0.77 milyon barel və 0.76 milyon barel, üçüncü və dördüncü isə gündə 0.75 milyon barel.

EIA-nın məlumatına görə, 2018-ci ildə Azərbaycanda neft və kondensat hasilatının həcmi gündə 0,81 milyon barel təşkil edib.

Qeyd edək ki, Azərbaycanda neft hasilatının əsas həcmi "Azəri Light" markalı yüngül neft hasil edən "Azəri-Çıraq-Günəşli" dəniz yataqları blokunun payına düşür.

Trend-in ən mühüm və maraqlı xəbərlərini "Telegram"da izləyin


Etiketlər:  ABŞ Energetika Nazirliyi 2020 üçün Azərbaycanda neft hasilatı ilə bağlı proqnozları açıqlayıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ