Bakıda çoxmərtəbəli binada yanğın baş verib

Tarix: 4 Yanvar 2020 01:54

Bakı. Trend:

Bakı şəhərinin Nərimanov rayonunda çoxmərtəbəli yaşayış binasının 9-cu mərtəbəsində yanğın baş verib.

Fövqəladə Hallar Nazirliyinindən Trend-ə verilən məlumata görə, Nazirliyin "112" qaynar telefon xəttinə, Bakı şəhəri, Nərimanov rayonu, İzzəddin Həsənoğlu küçəsi 2B ünvanında çoxmərtəbəli yaşayış binasının 9-cu mərtəbəsinin mənzilində yanğın olması barədə məlumat daxil olub.

Dərhal Nazirliyin Dövlət Yanğından Mühafizə Xidmətinin yanğınsöndürmə qüvvələri və Xüsusi Riskli Xilasetmə Xidmətinin müvafiq qüvvələri hadisə yerinə cəlb olunub.

Yanğın saat 01:07 dəqiqədə Dövlət Yanğından Mühafizə Xidmətinin yanğınsöndürmə qüvvələri tərəfindən məhdudlaşdırılıb (yanğının yayılma təhlükəsi yoxdur).

Trend-in ən mühüm və maraqlı xəbərlərini "Telegram"da izləyin