Aktual mövzular: Dollar alış-satışı, Neftin qiyməti, COP29, Hava proqnozu

''Arsenal'' fanatlarına Bakıda Mxitaryanın maskasını taxmaq təklif edildi

Tarix: 17 May 2019 17:48

"Arsenal"ın nigeriyalı azarkeş qrupu "CanonCrested" kluba Avroliqanın final oyununa aparılmayacağı gözlənilən Henrix Mxitaryanın maskalarını hazırlatmaq və onları İngiltərədən Bakıya gedəcək fanatlara paylamağı təklif edib.

Qol.az-ın "The Times" nəşrinə istinadən yaydığı xəbərə görə, afrikalı tərəfdarlar Bakı Olimpiya Stadionuna toplaşacaq ingilis azarkeşləri həmin maskaları üzlərinə taxmağa, erməni futbolçunun "Arsenal"dakı forma nömrəsinə (7) uyğun olaraq, matçın 7 və 77-ci dəqiqələrində fləşmob keçirməyə çağırıb. Azarkeş qrupu bu yolla Mxitaryana dəstək verməyə çalışır.

Qeyd edək ki, son məlumata əsasən, "Arsenal" yarımmüdafiəçini "Çelsi" ilə final oyunu üçün Bakıya gətirməməyə qərar verib.

Whatsapp ilə göndər