Aktual mövzular: Dollar alış-satışı, Neftin qiyməti, COP29, Hava proqnozu

''Real''-ın stadionunda koronavirusla mübarizə üçün lazım olan dərmanlar saxlanacaq

Tarix: 27 Mart 2020 21:56

İspaniyanın "Real Madrid" klubunun rəhbərliyi "Santyaqo Bernabeu" koronavirus pandemiyası ilə mübarizə üçün lazım olan dərmanların saxlanmasına şərait yaradacaq.

Sonxeber.net AZƏRTAC-a istinadən bildirir ki, bu barədə klubun mətbuat xidməti məlumat yayıb. Stadionda müxtəlif təşkilatların və müəssisələrinin ianə etdiyi dərmanlar toplanacaq.

"Biz İspaniyanın Milli İdman Şurası (SCD) ilə birlikdə Madriddə COVID-19 pandemiyasına qarşı mübarizədə istifadə ediləcək strateji tibbi ləvazimatların tədarükü və paylanması üçün bir layihəyə başlayırıq. Bu, mövcud fövqəladə vəziyyətdə ehtiyac duyulan resursların ən yaxşı və ən səmərəli şəkildə istifadə edilməsi üçün əlimizdən gələni edəcəyik", - məlumatda belə deyilir.

Qeyd edək ki, bir necə gün əvvəl "Real Madrid" klubunun rəhbərliyi ianələr toplanmasının başlandığını elan etmişdi. Toplanan bütün vəsait İspaniya Səhiyyə Nazirliyinə göndəriləcək.

Whatsapp ilə göndər