Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanda ipotekanın orta aylıq məbləği rekord vurub

Tarix: 8 Aprel 2020 10:24

Bakı. Trend:

2020-ci ilin fevralında Azərbaycan bankları tərəfindən 20,4 milyon manat məbləğində ipoteka krediti verilib ki, bu da ötən ilin eyni dövrü ilə müqayisədə 13,4 faiz azdır.

Trend bu barədə Azərbaycan Mərkəzi Bankının fevral ayı üzrə statistik bülleteninə istinadən məlumat verir.

Hesabata əsasən, fevral ayında banklar tərəfindən verilən kreditlərin təkrar maliyyələşdirilməsinin həcmi 1,1 milyon manat təşkil edib.

İpoteka və Kredit Zəmanət Fondunun səlahiyyətli bankları tərəfindən verilən ipoteka kreditlərinin orta aylıq məbləği fevral ayında 51 min manata (ötən ilin fevralında 49,5 min manat) bərabər olub ki, bu da Fondun fəaliyyəti müddətində qeydə alınan ən yüksək göstəricidir. Kreditin verilməsinin ortalama müddəti 281 ay təşkil edib, bu göstərici 2019-cu ilin fevralı ilə müqayisədə dəyişməz qalıb. Orta illik faiz dərəcəsi 6,42 faiz (ötən il 6,53 faiz), orta aylıq ödəmə 356,8 manat (348,7 manat) təşkil edib.

Whatsapp ilə göndər