Aktual mövzular: Dollar alış-satışı, Məzənnə, Neftin qiyməti

"Azarkeşsiz oynamaq futbolsuz qalmaqdan yaxşıdır" - Çeferin

Tarix: 20 Aprel 2020 16:32

"Əsas odur ki, oyunçular, məşqçilər və azarkeşlər sağlam qalsın. Liqaların bərpa edilib, başa çatdırılmasına inamım var".

Qol.az xəbər verir ki, bu sözləri UEFA-nın prezidenti Aleksandr Ceferin "Corriere della Sera"ya açıqlamasında deyib.

O, çempionatları bərpa etməyə çalışdıqlarını bildirib. Qeyd edib ki, əsas liqaların davam etdirilməsidir və bunu azarkeşsiz də etmək olar: "Azarkeşlər olmadan da davam edə bilərik. Ən önəmli olan çempionatları bərpa etməkdir. Belə günlərdə insanlara az da olsa sevinc bəxş ediləcək. Azarkeşsiz oynamaq futbolsuz qalmaqdan yaxşıdır. Bu durum müvəqqətidir və zamanla həyat axarına düşəcək. Buna əminəm.

Əgər cavabdehlər "yaşıl işıq" yandırsa, məşqlər bərpa edilə bilər. Oyunların bərpası üçün bir müddət vaxt lazımdır və bunu müzakirə etməliyik. Mövsümün başa çatdırılmayacağını indidən söyləmək tezdir. Əgər tez qayıtsaq, avrokuboklar və yerli liqalar paralel davam edəcək. Turnirləri oktyabr, noyabrda başa çatdırmaq mənə qəribə gəlir. Əgər bu, baş versə, gələn mövsümə təsiri olacaq".

 


Etiketlər:  Azarkeşsiz oynamaq futbolsuz qalmaqdan yaxşıdır Çeferin


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ