''Əksər ölkələr borc almaq üçün müraciət etdilər, amma Azərbaycan etmədi'' - FOTO

Tarix: 6 May 2020 10:06

Azərbaycan xalqının tarixində çox belə ağır dövrlər olub. Amma qloballaşan dünyada bu bəlanın meydana gəlməsi, onun törətdiyi fəsadlar kifayət qədər çoxdur, kifayət qədər ağırdır. Ona qarşı mübarizə aparmaq üçün daha sistmeli, daha kompleks tədbirlər həyata keçirilməlidir.

Sonxeber.net xəbər verir ki, bunu dünən Nazirlər Kabineti yanında Operativ Qərargahın mətbuat konfransında Koronavirusla Mübarizəyə Dəstək Fondunun İctimai Nəzarət Şurasının üzvü, Milli Məclisin deputatı Ziyad Səmədzadə deyib.

Millət vəkili koronavirus pandemiyasına qarşı görülən tədbirlər planından danışıb:

"Azərbaycan höküməti bu istiqamətdə kifayət qədər tədbirlər həyata keçirir. Dünya ölkələri içərisində hər milyon nəfərə düşən xəstələrin, ölüm hallarının sayına görə Azərbaycan kifayət qədər müsbət nəticələr əldə etmişdir. Bu, ilk növbədə, Azərbaycan prezidentinin qabaqlayıcı tədbirlər görməsi hesabınadır, Azərbaycan səhiyyə sisteminin müsair tələblər baxımından yenidən qurulması hesabınadır, Azərbaycan dövlətinin iqtisadi gücünün artması hesabınadır. Bir faktı deyək, dünyanın 180-dan artıq ölkəsində bu xəstəlik var. Əksər ölkələr borc almaq üçün müraciət etdilər, amma Azərbaycan etmədi".

Təhməz Əsəd