''Paşinyan və onun ətrafında olan faşist xislətli siyasətçilər utandıqlarından yerə girməliydilər''

Tarix: 13 May 2020 11:24

Nikol Paşinyanın "küçə demokratiyasına", mitinqlərə başladığı dövrdən onun və komandasının irəli sürdüyü şüarlar, Ermənistanın gələcəyi ilə bağlı hansı siyasətin aparılacağı və ənənəvi strateji xətdən yayınaraq Rusiyanın havadarlığından çıxaraq faşist şüarlarından çıxış etməsi onu əvvəldən göstərirdi ki, bu adam faşist xislətli, daşnak xislətinə uyğun bir siyasət aparacaq.

Bunu Sonxeber.net-a millət vəkili Nəsib Məhəməliyev deyib.

O, Prezident İlham Əliyevin Paşinyan hakimiyyətini dünyanın gözü önündə faktlarla ifşa etdiyi zirvə görüşünə diqqəti çəkib:

"O dövrdə nəzərə alsaq ki, müxalifətçilik dövründə siyasi kampaniya ərəfəsində Rusiyanın dövlət başçılarının, öndə olan siyasətçilərinin partretlərini cırırdılar və onlara qarşı çox ciddi radikal mövqedə durmuşdular. Eyni zamanda, hakimiyyətə gələndən sonra özündən əvvəlkilərin siyasətini dəstəkləyərək Hitlerin yaxın silahdaşlarından olan Qaregin Njdenin heykəlini müdafiə etməsi, faşist ideyalarına xidmət etməsi bəlli idi ki, bu adam genetik olaraq faşist xislətli bir insandır. Çox təəssüflər olsun ki, onlara havadarlıq edənlər də ikili standartlardan çıxış edərək özlərini görməzliyə vururlar.

Baxmayaraq ki, Aşqabad şəhərində MDB dövlət başçılarının sammitində respublikamızın Prezidenti cənab İlham Əliyev rəsmi sənədlərə istinad edərək, Rusiyanın Müdafiə Nazirliyinin arxiv məlumatlarına əsaslanaraq Qaregin Nijdeninin kim olduğunu dünya ictimaiyyətinə çatdırdı. Düzü, ondan sonra bunun çox böyük təsiri oldu və Krosnadar vilayətində Armavir şəhərində o cinayətkarın, cəlladın heykəlini götürdülər. Ancaq Ermənistanın paytaxtı İrəvan şəhərində, çox təəssüflər olsun ki, heykəl durur. Paşinyanın hakimiyyətə gəldiyi ilk gündən müxtəlif bəhanələrlə Dağlıq Qarabağ probleminin həllindən yayınması da bir daha bunu sübut etmiş oldu".

"Əslinə qalsa, dünyanın faşizmlə mübarizə apardığı bir dövrdə Paşinyan və onun ətrafında olan faşist xislətli siyasətçilər utandıqlarından yerə girməli idilər. Utanmalıydılar, xəcalət hissi keçirtməliydilər ki, onların əcdadları Hitler kimi qaniçən bir cəllada xidmət ediblər. Paşinyanın babası da bilavasitə həmən o Qaregin Nijdenin legioner batalyonlarında xidmət edib. Deməli, bu, birbaşa irqi, milli, dini ayrıseçkiliyə uyğun olaraq mülki insanların - qadınların, uşaqların, qocaların milliyətinə görə qətlə yetirilməsində bilavasitə iştirak edib. İndi özünüz fikir verin, elə bir siyasətçinin arxasınca erməni xalqı hara gedəcək? Çox təəssüflər ki, dünyada baş verən proseslər və bəzi hallarda ikili standartlara görə görməməzlikdən gəlirlər. Çox təəssüflər ...", - millət vəkili qeyd edib.

Təhməz Təkin