Aktual mövzular: Dollar alış-satışı, Neftin qiyməti, COP29, Hava proqnozu

Sərbəst güləş üzrə yığmamız Avropa çempionatında üçüncü yeri tutub (FOTO)

Tarix: 10 Iyun 2019 03:08

Bakı. Trend:

İspaniyanın Pontevedra şəhərində keçirilmiş gənc güləşçilər arasında Avropa çempionatına yekun vurulub.

Azərbaycan Güləş Federasiyasından Trend-ə verilən məlumata görə, sərbəst güləş üzrə Azərbaycan yığması yarışda komanda hesabında üçüncü yeri tutub. 115 xal toplayan millimizi ikinci yerdəki Moldovadan cəmi bir xal ayırıb. Rusiya yığması isə 205 xalla Avropa çempionu olub.

Xatırladaq ki, komandamızın heyətində Turan Bayramov (65 kq) və Abubakr Abakarov (79 kq) qızıl, Asxab Həmzətov (92 kq) gümüş, İslam Abuyev (125 kq) isə bürünc medal qazanıblar.

Trend-in ən mühüm və maraqlı xəbərlərini "Telegram"da izləyin