Aktual mövzular: Dollar alış-satışı, Məzənnə, Neftin qiyməti

“Bəs, bizim toyumuz nə vaxta qaldı?”

“Bəs, bizim toyumuz nə vaxta qaldı?”

Tarix: 4 Iyun 2020 14:40

Koronavirus pandemiyasının Azərbaycanda da yayılması toyların qadağan olunması və bir sıra tədbirlərlə nəticələndi. İllərdir subaylığın daşını atmaq, bir-birinə qovuşmaq üçün gün sayan məşhurlarımızın da toy arzuları məlum olmayan vaxta qədər ertələnməli oldu.

Milli.Az axşam.az-a istinadən koronavirusa görə toyu təxirə salınan məşhurların siyahısını təqdim edir:

Aparıcı Cavid Gül bu ilin yanvarında Nərgiz adlı xanımla nişanlanıb. Ömrünün 35-ci yayında toy etmək istəyən Cavidə isə "Covid-19" mane olub. Onun toyunun yeni vaxtı isə hələ ki bəlli deyil.

Əməkdar artist Nüşabə Ələsgərlinin Diasporla İş üzrə Dövlət Komitəsində çalışan qızı Nigar ötən ilin dekabrında Türkiyə vətəndaşı Gino ilə nişanlanmışdı. Onların da toyu yaya təsadüf edəcəkdi. Lakin cütlük hazırda pandemiyaya görə "gözləmə" rejimindədir.

Aktyorlar Əmrah Dadaşov və Asya Atakişiyevanın toy tarixi məlum idi. Bəh-bəhlə 1 iyunda dostlarını və qohumlarını şad gününə yığmaq istəyən nişanlılar bir az da gözləməli olacaqlar. Dediklərinə görə, toyları payız aylarına təsadüf edə bilər.

Manaf Ağayev ikinci oğlu Müşfiqi bu yay evləndirmək niyyətində idi. Lakin o da dəvət edəcəkləri qonaqlara başqa tarix demək məcburiyyətində qalacaq. Müğənninin oğlunun yeni toy tarixi məlum deyil. Amma sənətçi övladına apreldə ailə arasında nişan edib.

Müğənni Sevda Yahyayevaya 8 martda həkim Zakir Bayramov elçi gəlib. Amma onların nəinki toyu, hətta nişanları da təxirə düşüb. 17 martda nişanlanmağı düşünən adaxlılar yay ayları üçün də evlənməyi planlaşdırırdı. Pandemiya onlardan da yan keçmədi. Əməkdar artist Elza Seyidcahanın "onlayn toy" təklifinə "yox" deyən Sevdanın məclisinin yeni vaxtı sual altındadır.

Xalq artisti Mələkxanım Əyyubovanın rəssam qızı Nəzrinin toyu isə iki dəfə təxirə salınıb. Birinci dəfə aprel üçün nəzərdə tutulan mərasim, daha sonra iyunun 3-nə ertələnib. Lakin karantin dövrü uzadıldığından toy üçün yeni tarix müəyyənləşdirilməyib.

Milli.Az


Etiketlər:  Bəs bizim toyumuz vaxta qaldı


RƏYLƏR



Populyar Xəbərlər

XƏBƏR LENTİ