Aktual mövzular: Dollar alış-satışı, Neftin qiyməti, COP29, Hava proqnozu
Tarix: 13 Iyun 2020 13:15
Əməkdar artist Bəhram Bağırzadə bir neçə gün əvvəl koronavirus infeksiyasına yoluxması ilə bağlı xəbər yayılmışdı.
Sonxeber.net axşam.az-a istinadən bildirir ki, aktyor həmin gün açıqlama yayaraq xəbərin yalan olduğunu, saytların düz yazmadığını iddia edib. Uzun müddətdir ki, dostlarının mesajlarına və zənglərinə cavab verməyən B.Bağırzadə bu gün onlara mesaj göndərib.
Bağırzadə bir müddət cavab verə bilməyəcəyini yazaraq, bunları qeyd edib:
"Mənim əziz dostlarım, sizi çox sevirəm, hörmət edirəm. Hər səhər əhvalınızı yüksəltmıyı çalışır, gecə sizlərə xoş yuxu diləyirəm. Ümid edirəm ki, anlayacaqsızın: çünki yaxın 2 ay ərzində məlum səbəbdən sizlərin mesaj və zənglərinə cavab verə bilməyəcəm. İnşallah, rahat olacağım əraziyə gələndən sonra sizinlə mütləq əlaqə yaradacam. Məni anlayacağınızı ümid edirəm. Sizə hörmət edən Bəhram".