Aktual mövzular: Dollar alış-satışı, Neftin qiyməti, COP29, Hava proqnozu

ÜST yeni növ koronavirusu mövsümi xəstəlik hesab etmir

ÜST yeni növ koronavirusu mövsümi xəstəlik hesab etmir

Tarix: 10 Avqust 2020 16:40

Bakı. Trend:

Ümumdünya Səhiyyə Təşkilatı (ÜST) yeni növ koronavirusun səbəb olduğu xəstəliyin mövsümi olduğunu hesab etmir.

Trend-in məlumatına görə, bunu ÜST-ün eksperti Mariya van Kerkhove deyib.

Onun sözlərinə görə, virus haqqında hər gün yeni məlumatlar ortaya çıxır:

“Virus heç yerə getməyib. Onun mövsümi olmasını göstərən hər hansı bir əlamət də mövcud deyil. Virus sirkulyasiyasını davam etdirir və əhalinin əksər hissəsi onun qarşısında həssasdır. Ona görə də biz yoluxmannın qarşısını almaq üçün əlimizdən gələni etməliyik”.

M.van Kerkhove insanları ölkə hökumətlərin təlimatlarına əməl etməyə və yoluxma riskini azaltmaq üçün addımlar atmağa çağırıb:

“Əgər sizdən evdə qalmağı xahiş edirlərsə - evdə qalın. Nəqliyyatda və mağazalarda maska taxmağı xahiş edirlərsə - maska taxın. Pis ventilyasiyalı binalardan uzaq durmaq imkanınız varsa – uzaq durun. Bu yolla siz təkcə özünüzü yox, həm də potensial risk qrupuna daxil olanları qoruyursunuz”.


Etiketlər:  ÜST yeni növ koronavirusu mövsümi xəstəlik hesab etmir


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ