''Növbəti mərhələyə yüksələcəyimizə inanıram'' -''Şkendiya''nın kapitanı

Tarix: 27 Avqust 2020 12:46

"Keçən həftədən bu matça hazırlaşırıq, seçmə mərhələdə ən yaxşı komanda olduğumuzu göstərmək üçün buraya gəlmişik. Rəqib komandanın öz xüsusiyyətlərinə sahib olduğunu düşünürəm. Amma bizim daha yaxşı olduğumuzu düşünürəm. Həqiqətən də komanda yoldaşlarıma inanıram. "Düşünürəm ki, yaxşı nəticə əldə edəcəyik".

Qol.az xəbər verir ki, bu sözləri  "Şkendiya"nın kapitanı Eqzon Beytulay Avropa Liqasının 1-ci təsnifat mərhələsində "Sumqayıt"la oyun öncəsi keçirilən mətbuat konfransında bildirib.

O, daha sonra söyləyib: "Sumqayıt"ın meydan sahibi olmasının üstünlüyü aydındır, lakin "Şkendiya" əvvəllər də rəqib meydanında oynaya biləcəyini göstərib. Əlbəttə ki, ağıllı oynamalıyıq. Öz səviyyəmizə uyğun oynasaq, növbəti mərhələyə vəsiqə qazanacağımıza inanıram".

Qeyd edək ki, bu gün "Kapital Bank Arena"da keçiriləcək "Sumqayıt" - "Şkendiya" matçı saat 20:00-da başlanacaq.