Aktual mövzular: Dollar alış-satışı, Neftin qiyməti, COP29, Hava proqnozu

Bu istiqamətlərdə xəttə əlavə avtobuslar verilir - FOTO

Tarix: 31 Avqust 2020 17:38

Bakının "Nizami", "Elmlər Akademiyası" və "İçərişəhər" metrostansiyaları ətrafındakı dayanacaqlardan sərnişin daşınması üçün əlavə avtobuslar xəttə verilir.

Bu barədə Sonxeber.net-a Bakı Nəqliyyat Agentliyindən bildiriblər. Qeyd olunub ki, səhər və axşam - pik saatlarda sərnişin axınını idarə etmək məqsədi ilə tələbat olan istiqamətlərdə xəttə əlavə avtobuslar cəlb edilir.

Axşam pik saatlarında metronun "Nizami", "Elmlər Akademiyası" və "İçərişəhər" metrostansiyaları ətrafındakı dayanacaqlardan sərnişinlərin daşınması üçün 12 və 18 metrlik "BakuBus" avtobusları xidmətə buraxılır.