Aktual mövzular: Dollar alış-satışı, Neftin qiyməti, COP29, Hava proqnozu

Eldar Həsənovun vəsatəti təmin edilmədi

Tarix: 12 Sentyabr 2020 14:15

Bakı. Samir Əli - Trend:

Nəsimi Rayon Məhkəməsində sabiq səfir, hazırda həbsdə olan Eldar Həsənov barəsində seçilən həbs qətimkan tədbirinin ev dustaqlığı ilə əvəz edilməsi ilə bağlı verdiyi vəsatətə baxılıb.

Trend-in məlumatına görə, hakim Babək Pənahovun sədrliyi ilə keçirilən prosesdə vəsatət araşdırılıb və qərar elan olunub.

Məhkəmənin qərarı ilə vəsatət təmin edilməyib.

Qeyd edək ki, Eldar Həsənova qarşı Cinayət Məcəlləsinin 308.2-ci (vəzifə səlahiyyətlərindən sui-istifadə) 308-1.1-ci (büdcə vəsaitlərinin təyinatı üzrə xərclənməməsi) maddələri ilə ittiham irəli sürülüb. Səbail Rayon Məhkəməsinin qərarı ilə onun barəsində noyabrın 3-dək həbs qətimkan tədbiri seçilib.

E. Həsənov Azərbaycanın Serbiya, Monteneqro, Bosniya və Herseqovinadakı sabiq fövqəladə və səlahiyyətli səfiri olub.

Whatsapp ilə göndər