BOS Şelf kollektivi Qanvermə aksiyasında iştirak edib (FOTO)

Tarix: 25 Dekabr 2020 12:57

Bakı. Trend:

Sosial məsuliyyət layihələri ilə hər zaman seçilən BOS Şelf bu dəfə də Böyük Qələbəmizin həyatımıza sonsuz fərəh və iftixar duyğuları bəxş etdiyi və koronavirus infeksiyasının ölkəmizdə çətinliklər yaratdığı bir vaxtda könüllü qan donorluğuna dəstək tədbiri kimi, ölkədə qan ehtiyatının daha da artırılmasına yönələn könüllü qanvermə aksiyası təşkil etdi.

Aksiya COVID-19 pandemiyası ilə əlaqədar talassemiyadan, hemofiliyadan əziyyət çəkən, habelə təcili əməliyyata ehtiyacı olan şəxslər üçün həyati risk yaradan qan çatışmazlığın qarşısını almaq üçün və ölkə rəhbərliyi tərəfindən bu istiqamətdə irəli sürülən təşəbbüs və tədbirlər çərçivəsində təşkil edilib.

Pandemiya zamanı yaşanan donor sayının kəskin azalması bu tip xəstələr üçün nəzərdə tutulan qan ehtiyyatlarının artırılmasını xeyli çətinləşdirib. Vəziyyət talassemiyadan əziyyət çəkən xəstələrin, o cümlədən yaşamaq üçün gündəlik qan tədarükünə ehtiyacı olan uşaqların həyatı üçün yüksək risk yaratmaqdadır.

Qanvermə aksiyası BOS Şelf əməkdaşları arasında həyata keçirilmişdir. Aksiyada şirkətin yüzdən çox əməkdaşı iştirak etmişdir.

BOS Şelf kollektivi aksiyada aktiv iştirak edərək dünyanın üzləşdiyi bu çətin dövrdə həmrəylik nümunəsi göstərmişdir.