Aktual mövzular: Dollar alış-satışı, Neftin qiyməti, COP29, Hava proqnozu

Məmmədyarovla Rəcəbov şahmat turunda Aronyanla oynayacaq

Məmmədyarovla Rəcəbov şahmat turunda Aronyanla oynayacaq

Tarix: 14 Yanvar 2021 23:28

Şahmat üzrə "Grand Chess Tour"un təqvimi və iştirakçılarının siyahısı müəyyənləşib.

Sonxeber.net apasport.az-a istinadən bildirir ki, FİDE beş turniri əhatə edəcək turda 10 qrosmeysterin çıxış edəcəyini açıqlayıb.

İştirakçılardan ikisi Azərbaycan şahmatçısıdır. Bunlar Şəhriyar Məmmədyarovla (2770)  Teymur Rəcəbovdur (2765). Yalnız ABŞ və Rusiya ölkəmizlə eyni sayda təmsilçiyə malikdir.

Fabiano Karuana (2823) və Uesli So (2770) şimali amerikalıları, Yan Nepomnyaşi (2789) ilə Aleksandr Qrişuk (2777) qonşularımızı təmsil edəcək. Turda Maksim Vaşye-Laqrav (Fransa, 2784), Dinq Liren (Çin, 2791), Aniş Giri (Niderland, 2764) və son turnirlərdə Teymurun "qapazaltı"sına çevrilən Levon Aronyan (Ermənistan, 2781) mübarizə aparacaq.

Şahmat turu həm klassik, həm də rapid və blitsi əhatə edəcək:
1. 3-15 iyun. Buxarest (Rumıniya). "Superbet Chess Classic"
2. 16-23 iyun. Paris (Fransa). "Paris Rapid & Blitz"
3. 5-12 iyul. Zaqreb (Xorvatiya). "Croatia Rapid & Blitz"
4. 9-16 avqust. Sent-Luis, Missuri (ABŞ). "St Louis Rapid & Blitz"
5. 16-28 avqust. Sent-Luis, Missuri (ABŞ). "Sinquefield Cup"


Etiketlər:  Məmmədyarovla Rəcəbov şahmat turunda Aronyanla oynayacaq


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ