Aktual mövzular: Dollar alış-satışı, Məzənnə, Neftin qiyməti

Sabahdan 35 nömrəli marşrut xətti “BakuBus” avtobusları ilə icra ediləcək (FOTO)

Sabahdan 35 nömrəli marşrut xətti “BakuBus” avtobusları ilə icra ediləcək (FOTO)

Tarix: 10 Fevral 2021 16:09

Bakı. Samir Əli - Trend:

Dövlət başçısının tapşırığına əsasən qəsəbələr üzrə sərnişindaşımaların keyfiyyətinin artırılması istiqamətində işlər davam etdirilir.

Bakı Nəqliyyat Agentliyindən Trend-ə bildirilib ki, bu çərçivədə 11.02.2021-ci il tarixdən 35 nömrəli müntəzəm marşrut xətti (Yavər Əliyev küç (Akkord binaları) – Ramiz Quliyev (Bravo market) ) üzrə sərnişindaşımaları ekoloji baxımdan təmiz, Avro 6 standartlarına cavab verməsi ilə fərqlənən 12 metrlik “BakuBus” MMC-yə məxsus avtobuslarla icra ediləcək. Qeyd edək ki, sərnişin tələbatı nəzərə alınaraq marşrutun başlanğıc dayanacaq məntəqəsi dəyişdirilərək Yavər Əliyev küçəsi müəyyən edilib.

Dəyişiklik sayəsində 35 nömrəli marşrut xəttindən gündəlik istifadə edən 17 mindən artıq sərnişinin daha təhlükəsiz və rahat daşınması mümkün olacaq. Xətt üzrə avtobuslarda gediş haqqı nağdsız qaydada “BakıKart” vasitəsilə həyata keçiriləcək. Bununla da nağdsız qaydada fəaliyyət göstərən marşrutların sayı 47-ə çatacaq.

Məlumat üçün bildiririk ki, ötən dövrdə sərnişinlərdən 35 nömrəli xətt üzrə sərnişindaşımaların vəziyyətilə bağlı şikayətlər daxil olurdu. Bununla əlaqədar keçirilən monitorinqlər zamanı aşkar edilən çatışmazlıqların aradan qaldırılması üçün daşıyıcı “Kənan-2000” şirkətinə dəfələrlə yazılı və şifahi xəbərdarlıq olunsa da hər hansı bir tədbir görülməyib.

Bu səbəbdən əhaliyə göstərilən xidmətin keyfiyyətinin artırılması məqsədi ilə 35 nömrəli marşrut müsabiqəyə çıxarılıb və sərnişindaşımaları “BakuBus” MMC-yə həvalə olunub.

Sabahdan 35 nömrəli marşrut xətti “BakuBus” avtobusları ilə icra ediləcək (FOTO) - Gallery Image Sabahdan 35 nömrəli marşrut xətti “BakuBus” avtobusları ilə icra ediləcək (FOTO) - Gallery Image


Etiketlər:  Sabahdan 35 nomrəli marsrut xətti BakuBus avtobusları ilə icra ediləcək FOTO


RƏYLƏR



Populyar Xəbərlər

XƏBƏR LENTİ