Aktual mövzular: Dollar alış-satışı, Məzənnə, Neftin qiyməti

Jirinovski Xəzər dənizinə yeni su kanalının çəkilməsini təklif etdi

Jirinovski Xəzər dənizinə yeni su kanalının çəkilməsini təklif etdi

Tarix: 30 Mart 2021 08:28

Rusiya Liberal Demokrat Partiyasının (LDPR) lideri, Rusiya Dövlət Dumasında eyniadlı fraksiyanın rəhbəri Vladimir Jirinovski saya oturmuş "Evergreen" gəmisinə görə bağlanan Süveyş kanalının etibarlı olmadığını deyərək, Fars körfəzindən Xəzər dənizinə qədər yeni bir kanalın çəkilməsi təklifini irəli sürüb.

Milli.Az oxu.az-a istinadən bildirir ki, bu barədə o, "Twitter" hesabından bildirib.

"Süveyş kanalının növbəti dəfə bağlanması onun etibarsızlığını sübut edir. Buna görə İranla birlikdə Fars körfəzindən Xəzər dənizinə bir kanal çəkmək daha yaxşı olardı. Yük gəmiləri Həştərxanda qəbul edilsin, daha sonra mallar dəmir yolu ilə Avropaya daşınsın", - deyə Jirinovski vurğulayıb.

Xatırladaq ki, Çindən Niderlanda yola düşən, uzunluğu 400 metr, yükgötürmə qabiliyyəti təxminən 224 min ton olan "Evergreen" gəmisi keçən çərşənbə axşamı Süveyş kanalında ilişərək hərəkəti tam məhdudlaşdırıb. Bu gün nəhayət konteyner gəmisi hərəkətə gətirilib. Kanalda gediş-gəlişin üç gündən sonra tam bərpa olunacağı bildirilir.

İlkin məlumata görə, konteyner gəmisi güclü külək səbəbi ilə istiqamətini dəyişib.

Milli.Az


Etiketlər:  Jirinovski Xəzər dənizinə yeni su kanalının çəkilməsini təklif etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ