“Həkimlərimizi tanıyın!” - Cərrah Namiq Novruzov

Tarix: 30 Iyul 2019 15:44

Bakı. Trend:

“Həkimlərimizi tanıyın!” rubrikamızda Sizlərə pasiyentlər arasında böyük rəğbət qazanmış, tibb üzrə fəlsəfə doktoru, yüksək ixtisaslı cərrah Namiq Novruzovu təqdim edirik.

1998-ci ildə dövlət tibb müəssisəsində ümumi cərrah kimi fəaliyyətə başlamış Namiq Novruzov, 2003-2007-ci illərdə N.V.Sklifosovski adına Moskva şəhər Elmi Tədqiqat Təcili Yardım İnstitutunda ümumi cərrah, 2009-2012-ci illərdə Mərkəzi Gömrük Hospitalında ümumi cərrah, 2012-2013-cü illərdə Türkiyədə Malatya İnönü Universitetinin Qaraciyər Transplantasiyası İnstitutunda cərrah kimi çalışmış və 2013-cü ildən etibarən Mərkəzi Gömrük Hospitalında ümumi cərrahiyyə şöbəsinin rəisi vəzifəsində işləyir.

Dr. Namiq Novruzov ümumi cərrahiyyə, laparoskopik cərrahiyyə, transplantasiya və invaziv endoskopiyanı əhatə edən geniş çeşidli diaqnostik və cərrahi əməliyyatlar üzrə ixtisaslaşmışdır.

Cərrah Namiq Novruzovun icra etdiyi əməliyyatlar arasında laparoskopik və açıq qaraciyər rezeksiyaları, öd yollarından laparoskopik vizual və rentgenoloji kontrolla daşların xaric edilməsi, mədəaltı vəzin, dalağın, mədənin, qida borusunun tam və hissəvi çıxarılması, nazik və yoğun bağırsaqlarda laparoskopik əməliyyatlar, bariatrik mədə kiçildilməsi, mədənin şuntlanması, diafraqma yırtıqlarının laparoskopik təmiri, yırtıqların açıq və laparoskopik üsullarla təmiri, abdominoplastika əməliyyatları, eləcədə də ezofaqoqastroduodenoskopiya, kolonoskopiya, ezofaqus varikoz venalarının elastik həlqələnməsi, qastrointestinal darlıqlarda stentlərin yerləşdirilməsi, poliplərin kəsilməsi, qanamaların endoskopik yolla dayandırılması və s. əməliyyatlar var.

Qeyd edək ki, Dr.Namiq Novruzov 1996-cı ildə Azərbaycan Dövlət Tibb Universitetinin II Müalicə Profilaktika fakültəsini və 1996-1997-ci illərdə Bakı şəhəri 5 saylı kliniki xəstəxanada cərrahiyyə ixtisası üzrə internaturanı bitirmiş, 2003-2007-ci illərdə Moskva şəhərində Rusiya Diplomdansonrakı Tibbi Təhsil Akademiyasında Təcili və Təxirəsalınmaz cərrahiyyə kafedrasının aspiranturasında təhsilini bitirərək, tibb üzrə fəlsəfə doktoru elmi adını qazanmışdır.

Cərrah Namiq Novruzov öz sahəsi üzrə biliklərini daim təkmilləşdirərək Rusiyanın, Türkiyənin və Avropanın müxtəlif aparıcı klinikalarında qarın boşluğu və çanaq üzvlərinin laparoskopik cərrahiyyəsi üzrə ixtisasartırma, 2010-cu ildə Ankara Universitetinin Tibb fakültəsində endoskopiya və ERCP üzrə kursları bitirmişdir. Dünyanın bir çox ölkələrində elmi konfrans və seminarlarda cərrahiyənin geniş sahələrini əhatə edən müxtəlif mövzularda çıxışlar edir. Hal-hazırda Azərbaycan Tibb Universitetinin doktorantıdır.

Namiq Novruzovun qəbuluna yazılmaq üçün əlaqə nömrəsi: (012) 404-08-08.

Trend-in ən mühüm və maraqlı xəbərlərini "Telegram"da izləyin